Ссылки доступа

Назарбаев жер кодексине киргизилген мораторий мөөнөтүн дагы беш жылга узартты


Казакстан президенти Нурсултан Назарбаев айыл чарба жерлерин менчиктештирүүгө жана чет өлкөлүктөргө узак мөөнөткө ижарага берүүгө тыюу салган мораторийдин мөөнөтүн 2021-жылдын декабрына чейин узартты.

Казакстан президентинин администрациясынан кабарлашкандай, мындай чечим 18-майда кабыл алынган. Андан беш күн мурун жер реформасы боюнча комиссия мораторийди дагы беш жылга узартуу сунушун берген.

Майдын башында Назарбаев айыл чарба жерлерин менчиктештирүү боюнча кабыл алынган өкмөттүн талаштуу планын 2017-жылга жылдырып, жер реформасы боюнча комиссия түзүүнү тапшырган. Мындай бүтүмгө келүүгө Казакстан шаарларында өткөн массалык нааразылык акциялары себеп болгон.

Митингге катышкандардын көпчүлүгү чет өлкөлүктөрдүн айыл чарба жерлерине ээлик кылуусуна каршы чыгышкан.

Мындан тышкары жерлерди сатуу боюнча аукциондор таза өтөрүнө күмөн санашып, жыйынтыгында нагыз дыйкандар эмес, бизнес-элита өкүлдөрү ири талааларга ээлик кылат деп кооптонушкан.

XS
SM
MD
LG