Ссылки доступа

Назарбаев Польшага Орусия менен транспорттук келишим түзүүнү сунуштады


Президент Нурсултан Назарбаев Казакстан, Польша жана Орусия ортосунда транспорт багытында жана кавказ транзиттик коридорун колдонуу боюнча үч тараптуу келишимди иштеп чыгууну сунуштады. Бул тууралуу ал Варшавада өткөн бизнес-форум учурунда айтканын "Интерфакс" жана ТАСС агенттиктери маалымдады.

Назарбаев Казакстан менен Польшанын ортосундагы экономикалык байланышты чыңдоодо транспорт көйгөйү бар экенин билдирди. Эки өлкө ортосундагы каттам Орусия аркылуу гана ишке ашып жатканын кошумчалады. Ал Польша президенти Анджей Дудага Орусияга чогуу кайрылып, кур дегенде транспорт боюнча үч тараптуу келишим иштеп чыгууну баштоо сунушун берди.

Казакстан президенти Нурсултан Назарбаев Польшага эки күндүк расмий иш сапары менен келген. Эки мамлекеттин 400дөн ашуун ишкерлери катышкан бизнес-форумдан кийин ал Белградка жөнөп кетет.

XS
SM
MD
LG