Ссылки доступа

Өзбекстан Үңкүр-Тоону өзүнүкү деп эсептейт


Кыргызстан менен талаштуу болуп жаткан Үңкүр-Тоону өзбекче Унгар-Тепа деп атап, өзбек Ички иштер министрлиги бул тоо Өзбекстанга таандык деп билдирди. Ал эми андагы радио-релейлик станцияда иштеп жаткан жеринен кармалган төрт кыргызстандык жаранды “Өзбекстанда мыйзамсыз жүргөндүгү үчүн кармалды” деп маалымдады.

Өзбек маалымат каражаттары аталган министрликке таянып кабарлашкандай, Үңкүр-Тоодо кармалган кыргызстандык жарандар Өзбекстандын мыйзамдарына ылайык, жоопкерчиликке тартылат.

Кыргызстандын чек ара кызматы Өзбекстанда кармалып турган кыргызстандык жарандарды бошотуу боюнча сүйлөшүүлөр жүрүп жаткандыгын маалымдоодо. Маалыматка ылайык, 22-августта тик учак менен Үңкүр-Тоого түшүрүлгөн 7 милиция десанты тоодо кала беришүүдө. Ал эми өзбек тарап кармап кеткен радио-релейлик станциянын жумушчулары Өзбекстандын Янгикурган райондук ички иштер бөлүмүндө кармалып турушат.

Тышкы иштер министрлиги жана Кыргызстандын Өзбекстандагы элчилиги "Кербен" радио-релейлик станциянын кызматкерлери Абдумиталип Урманов, Урмат Бердалиев, Жеңиш Ташматов жана Нурбек Усупбаевди бошотуу аракетин көрүүдө.

XS
SM
MD
LG