«Сыйлык Мамдепартаменттин Дипломатиялык коопсуздук бюросу ишке ашырып жаткан «Адилеттүүлүк үчүн сыйлыктар» программасынын алкагында берилет. Маалыматка ээ адамдар АКШнын жакынкы элчилигине кайрылып, же Американын дипломатиялык түзүмдөрүнүн электрондук почтасына кат жөнөтө алат», - деди ал.
Райстын айтымында, Тажикстан ИИМинин атайын бөлүгүнүн мурдагы полковниги согуштук көзгөатар болгон жана 2003-2014-жылдар аралыгында террорчулукка каршы күрөшүү ыкмасы боюнча америкалык машыгуу борборлорунда даярдыктан өткөн.
Гүлмурод Халимов 2014-жылдын апрелинин аягында жоголуп кетип, бир айдан соң Сирияда экенин билдирген. Видеокайрылуусунда ал динге ишенгендердин сыйынуу жана диний кийимдерди кийүү укуктары бузулган ИИМдин иштөө ыкмаларына нааразы болгонунан улам «Ислам мамлекетинин» катарына кошулганын айткан.