Ссылки доступа

Тожикистон президенти Ислом Тикланиш Партиясини гражданлик урушини бошлаганликда айблади


Тожикистон президентининг айтишига қараганда мамлакатдаги гражданлик уруши ҳозирги кунда тақиқланган Ислом Тикланиш Партияси муллалари томонидан бошланган. Бу ҳақда президент Эмомали Раҳмон Данғара Давлат Университетининг янги биносида 1 сентябрь куни бўлиб ўтган “Тинчлик дарси”да гапирди.

Раҳмоннинг айтишича сиёсий инқирозлар, қудратли давлатлар томонидан дунёни янгитдан тақсимлаш, кўплаб Исломий давлатларда диний уруш ва жанжалларнинг авж олиши, дунёнинг турли минтақаларидаги даҳшатли террористик ҳужумлар ер юзидаги вазиятни янада мураккаблаштирди.

Тожикистон президентига кўра терроризм ва экстремизмнинг авж олиши оқибатида ўн минглаб одамлар ўлдирилди, бир қанча давлатларда эса тинчлик ва тартиб умуман йўққа чиқарилди. “Биз хали бизларга зўрлик билан уюштирилган, мустақилликнинг илк кунларида бутун мамлакатни қамраб олган ва ўн минглаб бегуноҳ одамларнинг, айниқса Хатлон вилоятидан,ўлимига сабаб бўлган гражданлик уруши ва унинг оқибатларини унутганимизча йўқ. Минтақа ахолиси бу урушнинг вайронакор оқибатларини ҳали ҳамон ҳис этишади”,деди Эмомали Раҳмон.

Раҳмоннинг таъкидлашича “Тожикистондаги гражданлик уруши ўша даврда баъзи мачит муллаларини илҳомлантирган ва кейинчалик таррористик ва таъқиқланган Ислом Тикланиш Партияси томонидан бошланган”.

XS
SM
MD
LG