Ўйинлар доирасидаги спорт ва маданий чора-тадбирлар Чўлпон-Ота ва Қирчин яйловларида бўлиб ўтади. Жами мусобақаларда иштирок этиш учун жаҳоннинг 53 та мамлакатидан 1000 га яқин спортчилар хабар қилганлар. Бу тадбирларни ОАВ нинг 500 га яқин вакили ёритиб бормоқда, улардан 320 таси 35 та мамлакатнинг хорижий ОАВлари вакиллари бўлиб ҳисобланади.Тўғридан-тўғри эфирга олиб кўрсатишни ўнлаб маҳаллий ва хорижий телеканаллар таъминлайдилар.
Иштирокчилар ва томошабинларни ранг-баранг очилиш ва ёпилиш маросимлари, ўйинларнинг 25 тури бўйича турли-туман спорт мусобақалари, шунингдек ёрқин фолклор фестивали кутиб турибди. 4 дан 8 сентябргача Қирчин яйлови «Кочмондор ааламы» фолклор фестивалини ўтказиш учун асосий майдон бўлиб хизмат қилади.
Давлат раҳбари таъкидлашича, у ўйинларга кўпчилик мамлакатлар делегациялари ташриф буюргани билан фаҳрланади. Унинг гапига қараганда кўчманчи халқнинг меъроси ва анъаналари билан дунёнинг барча мамлакатлари қизиқиб қолган. Икки йил аввал биринчи кўчманчилар Ўйинлари бўлиб ўтган эди. Унда 19 та мамлакат вакиллари қатнашган эди, бу йил эса – 62 та вакиллари иштирок этмоқда.
Олмосбек Атамбаев ҳозирги дунёда инсоният ўзининг келиб чиқишини унутиб бормоқда, халқларнинг нобуд бўлиб кетиш хавфи юзага келган, экологик таҳдидлар табиатни ўзгартирмоқда деб таъкидлади. Бу шароитларда атроф муҳитга ғамхўрлик қилиш ва аждодлар меъросини сақлаб қолиш кўпчиликнинг диққат эътиборини ўзига қаратди. 2015 йилдан кейинги БМТ нинг тараққиёт мақсадлари ана шу масалаларни ечишга қаратилган, деди у.