ҰҚК болжамы бойынша, күдіктілер Талдықорғанның әуежайына барлау жасап, азаматтық және әскери ұшақты айдап әкету мүмкіндігін зерттеп, 2011 жылдың 11 қыркүйегінде АҚШ-та болған терактіні қайталағылары келген. Олардың ішінде Қырғызстан азаматы да бар деп хабарланады.
Қарағанды облысында маусым айында ұсталған топқа байланысты олардың мақсаттары Балқаш қаласындағы әскери бөлімшеге шабуыл жасағылары келген деп мәлімдейді. Нақты ұсталғандардың саны толық айтылмады, тек біреуі өзін жарып қайтыс болған.
Жалпы ҰҚК мәліметі бойынша, жыл басынан бері радикалды ислам тобының сегіз адамы тұтқындалған. Ақтөбеде 5 маусымда қару-жарақ сататын дүкенге шабуыл жасалып, сегіз адам қайтыс болған оқиғаға байланысты тергеу ісі аяқталғаны жарияланды. Бұл іс бойынша 30 адам сот алдында жауап береді.