Ссылки доступа

Согуштан улам Сириянын батышында 100 миңдей адам үйүн таштап кетти


Согуштук аракеттерден улам Сириянын батышындагы Хама провинциясында 100 миңге жакын адам үйүн таштап кетүүгө аргасыз болду. Бул тууралуу шаршембиде Кызыл чырым менен жергиликтүү бийликке шилтеме кылып БУУ билдирди.

Хаманын түндүгүндө көтөрүлүшчүлөр исламчыл согушкерлердин позицияларына чабуул коюусун улантууда. Оппозиция күчтөрү Халфайя шаарын басып алууга үлгүрүштү.

Түркиянын АКШ менен биргеликте Ракка шаарындагы «Ислам мамлекети» тобунун согушкерлерин сүрүп чыгарууга даяр экендиги белгилүү болду. Мындай пикирин Түркия президенти Реджеп Эрдоган Кытайда өткөн G20 саммитинде билдирген.

Шейшембиде Башар Асад режиминин учактары Алеппо шаарына хлорин кошулмасы бар бомба таштаган. Жыйынтыгында 70 миңден ашык жайкын тургун, анын ичинде аялдар менен балдар да жабыркашкан. Мындай маалыматтарды сириялык жарандык активисттер менен куткаруу кызматынын жумушчулары кабарлаган.

Дамаск уулуу заттарды колдонгонун четке кагып, ага көтөрүлүшчүлөрдү айыптоодо. Алеппо экиге бөлүнгөн бойдон калууда: бир бөлүгү Асаддын режиминин, экинчиси куралдуу оппозициянын көзөмөлүндө.

XS
SM
MD
LG