Ссылки доступа

Қирғизистонда сабабсиз ишга келмаётган депутатлар маошини кесиб ташлашмоқчи


Сабабсиз парламентнинг пленар мажлисларини ўтказиб юбораётган Жогорку Кенеш депутатларини жавобгарликка тортишлари кутилмоқда.

Бу тўғрисида Жогорку Кенешнинг конституцион қонунчилик, давлат тузилиши, суд-ҳуқуқий масалалари ва регламенти қўмитаси раисининг ўринбосари Алмамбет Шикмаматов хабар қилди.

Унинг гапларига қараганда, ушбу масала 13 сентябрда қўмита мажлисида кўриб чиқилади, яъни июндаги мажлисни ўтказиб юборган депутатларнинг жавобгарлиги кўриб чиқилади.

Шикмаматов жазолаш сифатида парламентчиларнинг ойлик иш ҳақининг бир қисмини кесиб ташлаш таклиф этилишини айтди.

Бундан аввал жамоатчилик орасида парламент шаънига танқид келиб тушган бўлиб, унда пленар мажлисларда кам сондаги депутатлар иштирок этишаётгани кўрсатиб ўтилган эди.

XS
SM
MD
LG