Ссылки доступа

Украинадаги сепаратистлар бир томонлама сулҳ эълон қилишди


Украинанинг Луганск ва Донецк вилоятларидаги сепаратистлар раҳбарлари 14 сентябр ярим кечадан бошлаб бир томонлама ўт очишни тўхтатишлари тўғрисида эълон қилишди.

Россия телеканаллари эфирида эшиттирилган аудиоёзувда Донецкдаги сепаратчилар раҳбари Александр Захарченко Минск ҳуқуқий келишувларини “сўзсиз қўллаб-қувватлаш”ини маълум қилган ва уларни “ягона ечим” деб атаган. У Киевни сулҳни қўллаб-қувватлашга даъват этган.

Луганск вилоятидаги исёнчилар бошлиғи Игорь Плотницкий шунга ўхшаш баёнот қилган. Нима сабаддан сепаратчилар бир марта ўт очишни тўхтатиш режими келишиб олинганидан кейин икки ҳафта ўтгач расмий баённома билан чиқишганлиги ҳалигача номаълум.

Бундан бир неча соат олдин Украина президенти Петр Порошенко яқин орада Юқори Радада Конституциядаги шарқий вилоятларга автономия олишга имкон берувчи ўзгаришлар бўйича овоз бериш бўлиб ўтишлиги тўғрисида хабар қилди. Ҳарбий қаршиликлар бошланган 2014 йилнинг апрелидан бошлаб бу можарода 9 500 дан зиёд олам ҳалок бўлган.

XS
SM
MD
LG