Россиянинг Омск вилояти прокуратураси беш Тожик муҳожирларига нисбатан жиноий иш терговини тугатиб, ишни судга оширган. Бу мигрантлар Қозоғистоннинг Россия билан чегарасини пиёда кесиб ўтишга уринишган.
Омск вилояти прокуратураси вакили Татьяна Булиховага кўра, бу беш фуқаро Қозоғистоннинг Петропавловск шаҳрига кетаётган поездда танишишган. «Улар аввал Россия ҳудудидан депортация қилинганларига қарамасдан у ерга қайтиб боришни жудаям ҳоҳлашган. Йўл-йўлакай улар давлат чегарасидан қандай ўтиш режасини тузишган ва Омск вилоятининг Исилкул ҳудудида қўлга тушишган», - деди Булихова.
Ҳозирда бу муҳожирлар ҳибсда. Яна бир Тожик муҳожири Молдова фуқароси билан бирга Беларуссиянинг Россия билан чегарасидан ноқонуний ўтмоқчи бўлишган. Улар Злинковск районида қўлга олинган ва уларнинг жиноий ишлари Брянск судида кўриб чиқилади.
Тожикистон меҳнат, миграция ва ахоли бандлиги Вазирлигининг Россиядаги вакили Иброҳим Аҳмадовнинг айтишича, Тожик муҳожирлари ўқувсизликлари учунгина бундай йўлни танлашяпти. «Улар шундай йўл билан Россия ҳудудига кирдилар ҳам дейлик, лекин қонуний ишлаш учун патент олишолмайди. Сабаби депортациядан олдин уларнинг бармоқ изларидан намуна олинган», - деди у.