Президент аппаратының ақпараттық саясат бөлімінің хабарлауынша, науқасты қараған дәрігерлер мемлекет басшысының көкірек тұсы ауырсынуына байланысты шұғыл медициналық тексеру қажет деген тұжырым жасады. Дәрігерлердің алдын ала қорытындысы бойынша, қырғыз басшысының жүрегі ауырған.
Соған сәйкес президент Алмазбек Атамбаев медициналық тексеруден өтеді және біраз уақыт бойы дәрігерлердің бақылауында болады.
Мемлекет басшысы Қырғыз Республикасының Нью-Йорк қаласына БҰҰ Бас Ассамблеясының 71-сессиясына қатысуға бара жатқан делегациясын басқаруды елдің сыртқы істер министрі Эрлан Абдылдаевқа тапсырды.