Хабарларга кўра, бундай холатлар кўп бўлган, лекин цирк биноси яқинидаги дўконда 8 сентябр куни бўлган воқеа ҳақида тафсилотлар бор. У ерда эрталаб соат 8 дан сигарет сотиш бошланган, лекин икки соат ўтар-ўтмас сотувни тўхтатиб милиция чақиришга тўғри келган, чунки навбатда турган оломон назоратдан чиқиб, сотувчилар ва бир-бирлари билан тўқнашиб муштлашиш бошланиб кетган.
Воқеа жойига етиб келган милиция нарядлари 500 дан зиёд одамни зўрға машаққат билан тинчлантирган. Бир қути сигарет 12 манатдан сотилган ва киши бошига бир қутидан ортиқ сотилмаган. Қўлда эса энг арзон сигарет 42 манат, донаси эса уч манат туради.
Мана бир неча хафтаки Туркманистонда тамаки маҳсулотлари сотилмайди. Аввалроқ эса нодавлат ташкилотлар ва хусусиш шахслар томонидан тамаки маҳсулотларини олиб кириш тақиқланган эди. Лекин амалда Савдо Вазирлигининг бўлинмалари ахолини доимий ва етарли миқдорда тамаки маҳсулотлари билан таъминлашга тайёр эмаслигини кўрсатдилар, шу сабаб таъминот масаласида доимий узилишлар бор, сигаретнинг қора бозордаги нарҳи эса кун сайин ортиб бормоқда.
Ўша кунлари 1 доллар қора бозорда 5,5 манатдан сотилган бўлса, олиш эса 5 манатдан бўлган.