Ссылки доступа

БМТ: Инсонпарварлик юклари ортилган колонна Алеппода ҳаво хужумига дуч келган


БМТ вакилларининг хабар беришларича, душанба куни уларнинг автоколонналарига қарши ҳаводан уюштирилган хужумда 12 одам ўлган, кўплар яраланган, 31 машинадан 18 таси шикастланган.

БМТ ва "Қизил ярим ой"нинг Суриядаги бўлинмаси бир хафта муқаддам АҚШ ва Россия воситачилигида тузилган сулҳга амал қилган холда Сурия армияси ва унинг иттифоқдошлари томонидан қамал қилинган Алеппо шаҳри ҳудудларига озиқ-овқат, дори-дармон ва бошқа зарур маҳсулотларни етказиб бераётган эди.

Ҳаво хужумидан бироз олдинроқ Сурия қўмондонлиги оташ-кесин ҳақидаги келишув ўз кучини йўқотган деб эълон қилган. АҚШ давлат котиби Жон Керри айтдики, сулҳ ҳақидаги келишув Россия билан тузилган, ва ўз иттифоқдошларини бомбардимон қилишдан тўхтата олмаганлиги учун бунга жавобгар деб айнан Россияни ҳисоблайди. Автоколоннага кимнинг авиацияси хужум уюштирган, Россияникими ёки Сурияники, Обама маъмурияти ҳозирча буни аниқлаштирмаган.

Гувоҳларнинг айтишича, самолетларнинг биринчи гуруҳи юк машиналарига хужум қилган, иккинчиси ярадорларга ёрдам бераётган тиббиёт ходимларини ўққа тутган. Бунга ўхшаш тактикани Россиянинг Суриядаги авиацияси ва Асаднинг ҳаво кучлари кенг миқёсда қўллайди. «Нафратимизнинг чеки йўқ», – деган БМТнинг Суриядаги элчиси Стаффан де Мистура. Илгари БМТнинг гуманитар колонналари ҳеч қачон ҳаво хужумга дуч келмаган.

The New York Timesнинг Оқ Уй вакилига асосланиб хабар беришича, Барак Обама маъмурияти Сурияда ўт очишни тўхтатиш ҳақидаги АҚШ-Россия келишувини сақлаб қолишга жуда катта шубҳа билан қарамоқда.

XS
SM
MD
LG