Ссылки доступа

Интерпол издөөдөгү адамдардын тизмесинен Гафур Рахимовду өчүрдү


15-сентябрда белгилүү өзбек ишкери Гафур Рахимовдун ысымы Интерполдун Өзбекстандагы өкүлчүлүгүнүн издөөдөгү адамдар тизмесинен өчүрүлдү. 2012-жылы АКШнын Финансы министрлиги анын атын уюшкан кылмыштуу топтордун мүчөсү болгон адамдардын санкциялык тизмесине кошкон. 65 жаштагы Гафур Рахимовдун ысымы дагы деле ал тизмеде калууда.

«Постсоветтик өлкөлөрдүн өкүлдөрүнөн турган «Туугандык чөйрө» аталышындагы кылмыштуу топтун башкы адамы, ошондой эле Өзбекстандын кылмыш дүйнөсүнүн лидерлеринин бири эсептелген Гафур Рахимов Борбор Азия өлкөлөрүндө маңзатын өндүрүү менен алектенет. Ал героин аткезчилигине байланышкан ири дүйнөлүк наркосиндикат операцияларына катышуусун улантууда», – деп жазылган АКШ Финансы министрлигинин расмий сайтындагы документте.

Анда Гафур Рахимов эки башка адамдын атына берилген Өзбекстандын эки паспортуна ээ экени жана учурда Дубайда жашап жатканы айтылат.

Өзбекстандын укук коргоо органдары тарабынан Рахимовго каршы расмий же бейрасмий айыптардын тагылган-тагылбагандыгы тууралуу эч кандай маалыматтар жок.

Айрым булактардын билдирүүлөрү боюнча 2012-жылы Гафур Рахимовго таандык делген бизнес-түзүмдөрүндөгү текшерүүлөрдөн кийин ал өз каалоосу менен Бириккен Араб Эмирлигине кетүүгө аргасыз болгон.

Видео

XS
SM
MD
LG