Ссылки доступа

«Газпром» 2018 йил охиригача Туркман газини сотиб олмайди


«Газпром» 2018 йил охиригача Туркман газини сотиб олмоқчи эмас, лекин «Стокгольм арбитражида Туркменгаз билан ишни кўриб чиқишни вақтинчаликка тўхтитган», - дея ОАВга хабар берган монополия бошқаруви раисининг ўринбосари Александр Медведев.

«Ўзаро ҳамкорликнинг барча маъқул йўлларини таҳлил қилиш учун икки йил муҳлат олдик,— деди у Reutersга. Мунтазам учрашиб, муҳокама қилиб турамиз». Юқори лавозимдаги менежернинг айтишича, «ҳозир эса муносабатларимизни комплекс ривожлантириш йўлларини босиқлик билан, арбитраж жараёнларисиз кўриб чиқишга келишиб олдик, бунда нарҳларни шакллантиришнинг барча йўллари кўриб чиқилади».

«Газпром», 2009 йилдан буён Туркманистондан йилига 10–11 млрд кубометр газ сотиб олар эди, 2015 йил ўртасидаСтокгольмда «Туркменгаз»га нисбатан даъво ариза билан мурожаат қилган, бу йил бошидан эса контрактни умуман бекор қилган. Бунинг сабаби, Туркманистон газ нарҳини пасайтиришни истамади, чунки Европа бозорларида ҳам газнинг нарҳи сезиларли даражада пасайган эди. Оқибатда «Газпром» сўнги йилларда Туркман газини Европага сотишдан зарар кўрган. Арбитраж доирасида «Газпром», «Интерфакс»га кўра, газ учун ортиқча тўланган 5 млрд долларни қайтаришни талаб қилган.

«Газпром»нинг музокаралар позицияси вақтни чўзиш ва Туркманистонни Каспий орқали Озарбайжонга газ сотиш режасидан чалғитиш бўлиши мумкин, дейди Vygon Consulting эксперти Мария Белова.

XS
SM
MD
LG