Ссылки доступа

Остоналик “бомба тўғрисидаги хабар” учун судланди


Остонадаги суд маҳаллий яшовчини полиция биносидаги портлаш қурилмаси тўғрисидаги ёлғон хабар беришда айбдор деб топиб, уни ярим йил муддатга қамоқ жазосига ҳукм қилди, деб хабар қилади шаҳар судининг матбуот хизмати.

Суд материалларига кўра, Остонада яшовчи шошилинч хизматга телефон қилган ва Остонанинг туман ИИБ биносига гўёки портлаш қурилмаси қўйилган деб хабар қилган. Тергов таъкидлашича, у «алкоголли мастлик ҳолатида» бўлган. Остонанинг Олмаота тумани 2-сонли туман судининг ҳукми қонуний кучга кирган.

Қозоғистонда ёздан бошлаб террористик хатарнинг “сариқ” даражаси амалга киритилган бўлиб, у июн бошида Актобе шаҳрида қуролланган одамларнинг қурол-яроғ магазинига ҳужум қилишганидан кейин киритилган ва 18 июлда Олмаотадаги Миллий Хавфсизлик Қўмитаси ва полиция биноларига қилинган ҳужумлардан кейин узайтирилган эди. Ҳокимият бу можароларни теракт деб атаган.

Ўтган ойда Актобеда яшовчи хотин киши гўёки тайёрланаётган теракт тўғрисидаги олдиндан ёлғон бўлган хабар беришда айблов билан уч йилга қамоқ жазосига ҳукм қилинган эди. Полицияга мурожаат қилаётган вақтда у ҳам “алкоголли мастлик ҳолатида” бўлган.

XS
SM
MD
LG