«Ер участкалари анча олдин, тақсимлаш ва приватизация жараёни вақтида сотиб олинган. Ана ўшанда шу участкаларни сотмоқчи бўлганлардан сотиб олган эдик», - деб айтди Ибраимов.
ҚР Давлат кадастр хизмати Бишкек ҳокими Албек Ибраимовнинг даромадлари тўғрисидаги декларацияни нашр қилди. Ҳужжатга кўра, Ибраимов ҳар бири 1,5 дан 7 гектаргача бўлган 29 та ер участкаларининг эгаси ҳисобланар экан.
Ибраимов декларациясида шунингдек 33 миллион сомлик даромад тўғрисида хабар қилинади. Давлат қайд этиш хизматининг раҳбари Тайырбек Сарпашев хабар қилишича, 2015 йил 12 майда Ибраимова Олмосбек Атамбоевга 2,7 гектар ерни 33 миллион сомга сотган.
Бундан аввал «Ата Мекен» фракциясининг раҳбари Омурбек Текебаев президент атрофидагиларни давлат раҳбарининг уйи қурилаётган Кой-Таше қишлоғидаги ТНК «Дастан» ер участкасини тортиб олишда айблаган. Унинг гапларига кўра 2015 йил 7 майда у Бишкек ҳокимининг рафиқаси Айнури Ибраимова номига қайд этилган эди ва кейинчалик уни Олмосбек Атамбоевга сотиб юборишган.