20 сентябрда Атамбоев БМТ Бош Ассамблеясининг сессиясида иштирок этиш учун Нью-Йоркка кетаверишда Туркиядаги касалхонага тушиб қолди. Унинг мазаси қочди, у кўкрагидаги оғриқларга шикоят қилди ва сафарини бекор қилишга мажбур бўлди. Шифокорлар юрак билан боғлиқ муаммолар деб шубҳаланишди ва тиббий текширувни тайинлашди. ҚР президентининг матбуот хизмати хабар қилишича, Атамбоев тахмин қилинишича 1 октябргача давом этадиган таътилга чиқади.
17 сентябрда Алмазбк Атамбоев 60 ёшга тўлди. У президент лавозимини 2011 йил декабрида эгаллаган эди, унинг ваколати муддати келаси йил охирида тугайди. Амалдаги Конституцияга биноан Қирғизистонда президент иккинчи муддатга сайлана олмайди. Муҳолифат Атамбоевни унга ва унинг атрофидагиларга президент лавозимидан бўшаганидан кейин ҳам давлат устидан назоратни сақлаб қолишга имкон берадиган ўзгартиришларни Конституцияга киритиш борасидаги уринишлари учун танқид қилмоқда.