«Биз гувоҳ бўляпмизки, кўпчилик давлатлар раҳбарлари конституцияни қайтадан ёзиб чиқишмоқда, сайлов жараёни билан манипуляция қилишмоқда ва ҳокимият тепасида қолиш учун мушкул чоралар қўришмоқда, - деди бош котиб. – Улар ўзларининг лавозимлари – бу уларнинг шахсий мулки эмас, балки фуқаролар томонидан билдирилган ишонч эканлигини тушуниб етишлари шарт. Мен қочирма қилмасдан айтаман: сиз ўз халқингизга хизмат қилишингиз лозим. Демократияни чайқатишни, ўз мамлакатларингизнинг табиий ресусрларини талон-тарож қилишни, ўз танқидчиларингизни қамоққа олишни ва қийнашни бас қилинг».
Сайтда хабар қилинишича, Пан Ги Мун дипломатик этикетни йиғиштириб қўйди ва давлатларни бугунги куннинг энг муҳим муаммоларини ечишга ноқобил бўлганликлари учун уларни шафқатсиз танқид қилди. У жаҳон етакчи давлатлари ўз фуқаролари олдида масъулиятлари бор, халқаро ҳамжамият эса мавжуд муаммоларни ечишга қурби етади, деб эслатиб ўтди.
БМТ Бош Котиби юрагидаги оғир ҳаяжон билан ўз лавозимини ташлаб кетаётганлигини хабар қилди.
«Фуқаролар ва уларнинг раҳбарларини ишончсизик жари ажратиб турибди, - деб таъкидлади Бош котиб.- Экстремистлар одамларни “ўзлариники” ва “бировлар”га ажратишга мажбур қилишмоқда. Она табиат эса бизнинг барча ҳаракатларимизга денгиз сатҳининг кўтарилиши, кўз кўрмаган қурғоқчилик ва шафқатсиз бўронлар билан жавоб бермоқда».