Караганда облусунун бийлиги учурда автобустар белгиленген тартипте ишин калыбына келтирип, абал турукташканын билдирүүдө. Бийликтин маалыматы боюнча жергиликтүү аткаруу органы, автопарк жетекчилиги жана айдоочулар ортосунда үч тараптуу сүйлөшүүлөр жүрүп, анын жыйынтыгы менен талаш-тартыш жөнгө салынды.
— Облустун жана Караганда шаарынын жетекчилиги тарабынан айдоочулар менен автопарктын ортосунда пайда болгон талаш-тартышты жөнгө салуу боюнча тез аранын ичинде чаралар көрүлдү. Учурда абал көзөмөлдө, — деп билдирди Караганда облусунун акиминин басма сөз кызматы.
Окуя 22-сентябрда башталган. Ал күнү айдоочулар жумушка чыгып, бирок өз талаптарын айтуу менен рулга отуруудан баш тартышкан. Алар автопарк тараптан күнүмдүк пландын жогорулатылышына каршы болушкан. Нааразылыгын билдирген айдоочуларды кондукторлор да колдоп, каттамга 20 чакты автобус чыкпай калган. Шаарда автобустардын аздыгы жүргүнчүлөрдүн нааразылыгын жараткан.
Карагандада автобуста жүрүү акысы 80 теңгени түзөт.
