Интернетда жойлаштирилган ИШИД хабарномасида айтилишича, тўртта жангарилар – учта ироқлик ва битта Абумухаммад Точики исмли тожик шанба куни Ироқнинг шимолий қисмидаги Тикрит шаҳрига кириб келаверишдаги асосий йўлда теракт уюштиришган ва бунинг натижасида бир нечта полиция ходимлари ҳалок бўлишган.
Гуруҳ маълумотларига кўра, Абумуҳаммад портловчи қурилмани ҳаракатга келтирган. Шундан кейин жангарилардан биттаси портловчи моддалар билан тўлдирилган машинани постга қаратиб бошқарган, бошқа иккита ҳудкушлар эса Тикритдаги ҳарбий база олдида полициячилар бир жойда тўпланиб олишганидан кейин ўзларини портлатишган.
Тикрит полицияси постга уюштирилган ҳуружни ва ўз ходимларининг ҳалок бўлганини тасдиқлади, бироқ жангарилар шахси тўғрисида ҳеч нима хабар қилмади. Одатда ИШИД томонида жанг қиладиган тожик жангарилари ўзига арабча исмлар танлаб олишади – чунончи бундан аввал Абу Муҳаммад Ат-Точики исмли жангарининг йўқ қилинганлиги тўғрисида маълум қилинган эди.
Тожикистон ҳукумати ҳозирги вақтда 100 дан ортиқ Тожикистон фуқаролари ИШИД га ва бошқа террорчилик гуруҳларига қўшилиб кетгани ҳамда Яқин Шарқ мамлакатларида жанг қилишаётганини хабар қилди. 300 та тожик жангариларининг ҳалок бўлгани тўғрисида айтиб ўтилган.
“Ислом давлати” террористик гуруҳи Ироқнинг Тикрит шаҳрида бўлиб ўтган теракт учун жавобгарликни ўз зиммасига олди ва ҳудкушлардан биттаси тожик бўлган деб хабар қилди. «Франс-Пресс» агентлиги хабар қилишича, 24 сентябрда содир этилган террористик ҳуруж натижасида 12 та одам ҳалок бўлган ва 23 таси яраланган.