Ссылки доступа

Әзірбайжан Конституциясын өзгерту туралы референдум өтті деп танылды


Заңға енгізілген басты өзгерістер: президент қызметі мерзімін ұзарту, болашақ президенттің жасын төмендету, вице-президент қызметтерін енгізу. Заң бойынша, референдум өтті деп танылды, өйткені сайлаушылардың 25 пайызы дауыс берген.

26 қыркүйекте Әзірбайжанда ел Конституциясына өзгеріс енгізу туралы референдум болып өтті. Азаматтар 125 сайлау округындағы 5 627 сайлау учаскесінде дауыс берді. Референдум барысын 53 мың 531 адам бақылады. Референдумда дауыс беру құқығына 5 миллионнан астам азамат ие.

Әзірбайжан Конституциясын бұған дейін екі мәрте өзгерткен – 2002 және 2009 жылдары. Бұл жолы дауыс берушілерге "ия" мен "жоқтың" бірін таңдау қажет емес: олар өзгертулерді қабылдайды немесе қарсылығын білдіреді. Дегенмен, бақылаушылардың пікірінше, өзгерістердің басым көпшілігі бір мақсатты көздейді – президент Ильхам Әлиевтің жеке басының және оның отбасының билігін нығайту.

Ұсынылған өзгерістердің ішіндегі ең маңыздысы - президент қызметін бестен жеті жылға дейін ұзарту. Елдің қазіргі басшысы - 54 жастағы Ильхам Әлиев билік басында 2003 жылдан бері отыр, ол билікті ауру әкесінен қабылдап алды, содан бері үш мәрте президент сайлауларында жеңіске жетті (2003, 2008 және 2013 жж.). Оның қазіргі президенттік мерзімі 2018 жылы аяқталады.

Президенттікке үміткердің жасын алып тастау ұсынылды (қазір - 35 жастан бастап), ал заң шығарушы билікке сайлауды 25-тен 18 жасқа дейін түсіру көзделген. Бұл өзгертулер Ильхам Әлиевтің ұлы Гейдарды билікке әкелу үшін енгізілді, деп есептейді сарапшылар. Гейдар Әлиев жақында 18-ге толды.

Орталық сайлау комиссиясы референдумды өтті деп таныды.

XS
SM
MD
LG