Ҳукумат қўшинлари чор тарафдан бостириб боришяпти ва шаҳарнинг шимоли-ғарбидаги ҳудудлардан бирини эгаллаган. Жаҳон соғлиқни сақлаш ташкилоти Алепподан ярадорларни олиб чиқиб кетиш учун махсус йўлаклар ташкил этишни талаб қиляпти.
АҚШга кўра бу амалиёт президент Асад ва унинг Россиялик ва минтақадаги иттифоқдошлари томонидан ҳарбий ғалаба учун вазиятни тинчлик йўли билан хал қилиш имконини йўққа чиқарганлигининг исботидир.
Вашингтондагиларнинг айтишича, шу ойда Сурияда сулҳга эришиш масаласида Россия билан келишув бир ҳафтадан кейиноқ бузилган. Москва ва Дамашқ, Reuters агентлигига кўра, тиббиёт ва гуманитар объектларга қарата хужумлар уюштириб "ваҳшийлик" қилиб, ҳарбий жиноятлар қилишяпти.
Маълумотларга кўра, қамал қилинган Алеппонинг мухолифат томонидан назорат қилинадиган шарқий ҳудудларида 250 мингдан зиёд одам бор. Сўнги ҳафта мобайнида интенсив ўққа тутишлар натижасида юзлаб шаҳарликлар жабрланган, улардан кўплари бункер бомбалар туфайли қулаб тушган бинолар остида қолиб халок бўлишган.