Ссылки доступа

Түркмөнстан авиапаркын Өзбекстанда техникалык тейлөөдөн өткөрүүнү көздөөдө


Түрмөнстан «Узбекистан эйрвэйз техникс» ишканасынын базасында түркмөн авиапаркын оңдоо жана техникалык тейлөөдөн өткөрүү боюнча кызматташууну жөнгө салуу мүмкүндүктөрүн караштырууда. Бул тууралуу жергиликтүү ММКлар билдиришти.

Бул тармакта кызматташуу маселеси соода-экономикалык, илимий-техникалык жана маданий кызматташтык боюнча өзбек-түркмөн биргелешкен комиссиясынын Ташкентте аяктаган жыйынында каралды.

Тараптар Ташкенттеги вагон куруу жана оңдоо заводунун базасында түркмөн темир жолунун поезддерин жаңылоо боюнча ийгиликтүү өз ара кызматташууну баса белгилешти.

Буга чейин Түркмөнстандын Темир жол транспорту министрлиги менен «Узбекистон темир йуллари» ортосунда меморандумга кол коюлган. Ага ылайык, Түркмөнстан массалык түрдө өзүнүн темир жол вагондорун Өзбекстанда техникалык тейлөөдөн өткөрүүнү пландоодо.

XS
SM
MD
LG