Ссылки доступа

АКШ Сирия боюнча Орусия менен кызматташуусун токтоторун эскертти


АКШнын мамлекеттик катчысы Жон Керри эгер Москва менен Башар Асаддын режими Алепподогу согуштук аракеттерди токтотпосо, анда Орусия менен Сирия боюнча кызматташуусун токтоторун билдирди.

Мамлекеттик департаменттен кабарлашкандай, Керри Орусиянын тышкы иштер министри Сергей Лавров менен болгон 28-сентябрдагы телефондук сүйлөшүүсү маалында ага кескин талап койду.

Мамдепартамент башчысынын басма сөз катчысы Жон Кирби «эгер Орусия Алепподогу соккуларын токтотуу боюнча тез аранын ичинде кадам жасабаса, анда Вашингтон Орусия менен АКШ ортосундагы Сирия боюнча эки тараптуу кызматташууну токтотууга даярдана баштарын» билдирди.

Орусия ТИМи расмий билдирүү таратып, анда Керри менен болгон сүйлөшүүсүндө Лавров АКШны Сириядагы оппозициялык жана террорчул топторду бөлүү боюнча алган милдеттенмелерин аткарууга чакырганын белгиледи.

XS
SM
MD
LG