Кыргыз ТИМи ЕККУнун Бишкектеги борборун 2017-жылдын 1-январынан тарта программалык кеңсе кылып өзгөртүү тууралуу нота жөнөттү.
Анда мындай чаралар “ЕККУ менен Кыргызстандын ортосундагы кызматташтыкты тереңдетүү максатын” көздөй тургандыгы айтылган.
ЕККУнун туруктуу кеңешинин тиешелүү чечиминин долбоору кыргыз делегациясы тарабынан жакынкы күндөрү Венада ЕККУнун төрагасына берилет. Азырынча эки макамдын айырмасы эмнеде экени жакшы түшүнүксүз.
Өткөн аптада мекенинде кылмышкер деп табылып, өмүр бою эркинен ажыратылган Кадыржан Батыров ЕККУнун жыйынында сөз сүйлөп, азыркы бийликти сындаган. 23-сентябрда ТИМ буга нааразылыгын билдирип, Кадыржан Батыровду ЕККУнун бардык иш-чараларына катышууга укугу жок адамдардын тизмесине кошууну талап кылган.