Камал билдиргендей, шаарда согуш уланууда. Өлкөнүн коопсуздук күчтөрү согушкерлерди сүрүп чыгарууга болгон аракеттерин жумшап жатышат.
Бир жыл мурда Кундуз бир канча күнгө «Талибандын» көзөмөлүнө өткөн. БУУнун маалыматы боюнча андагы салгылашуу маалында 289 киши өлүп, жүздөгөн адам жаракат алган. Андан бери талиптер шаарга бир канча жолу чабуул коюшкан.
Reuters агенттиги учурда шаар көчөлөрүндө Калашникова автоматтары, мылтыктар, пулемет жана гранатометтор менен куралданган «Талибан» согушкерлери жүргөнүн билдирүүдө. Андан сырткары шаар үстүндө ооган аскерлеринин эки аскердик тик учагы да байкалган.
Кундузга жасалган бул жолку кол салууга чейин «Талибан» согушкерлери өлкөнүн башка аймактарына, анын ичинде Гильменд провинциясы менен административдик борбору Лашкар Гах шаарына чабуулдарды жасашкан.
