Намояндагон мажлисинин төрагасы алгачкылардан болуп ант берди. Депутаттардын ант берүү аземи парламенттин төмөнкү палатасынын үчүнчү сессиясынын биринчи күнүндө болду.
Ар бир депутат мамлекет менен калктын кызыкчылыгын өзүнүкүнөн жогору коюуга, Конституцияга жана өлкөнүн башка мыйзамдарына ылайык иш жүргүзүүгө, бардык күчүн, билимин, тажрыйбасын Тажикстандын экономикалык жана социалдык өнүгүшү үчүн жумшоого милдетенме алды. Мындан тышкары улуттук биримдикти жана мамлекеттик көз карандысыздыкты бекемдөөгө, адамдардын эркиндигин жана укуктарын камыздоого, мыйзамдарды иштеп чыгууга жана кабыл алууга жигердүү катышууга сөз беришти.
Намояндагон Мажлисинин депутаттары алгач ирет ант берип жатышат. Айрым эл өкүлдөрү бул алардын жоопкерчилигин жогорулатат деп эсептейт. Парламенттин төмөнкү палатасынын депутаты Киёмиддин Миралиёндун пикиринде, мусулмандар антка чоң маани беришет.
Жаңы конституцияга ылайык, парламент депутаттары эл алдында ант берүүсү керек. Буга кошумча Тажикстан өкмөтүнүн анты өлкө президентине багытталат.
