АКШ мамлекеттик катчысы эгер сириялык жана орусиялык авиация Алеппону бомбалоону улантса, кызматташууну токтотуу мүмкүн экенин айткан.
Кошмо Штаттардын Мамлекеттик департаменти Орусия сентябрда кол коюлган келишимдин шарттарын аткарган жок деп эсептейт. Эки өлкө Сирияда элдешүү жараянын камсыздоого көмөк көрсөтүү жана курчоого алынган шаарларга гуманитардык жардам жеткирүүнү камсыздоо боюнча макулдашкан болчу.
АКШ Сириядагы аракеттерди координациялоо боюнча Орусия менен биргеликте түзүлгөн борбордон өз персоналын чакыртып алууда. Associated Press кабарлагандай, бул чара эки өлкөнүн Сириядагы терроризм маселеси боюнча сүйлөшүүлөрүнө терс таасирин тийгизбейт.