Ссылки доступа

Өзбекстанда келишимдик негизде аскердик кызмат өтөө мөөнөтү 5 жылга чейин узартылды


Өзбекстанда ушул жылдын 23-сентябрында кабыл алынган мыйзам боюнча келишимдик негизде аскердик кызмат өтөөнүн жаңы мөөнөттөрү киргизилди. Бул тууралуу жергиликтүү ММКлар жазышты.

Өзгөртүүлөргө ылайык, аскердик кызмат өтөөнүн негизги шарттары менен мөөнөттөрү келишимде көрсөтүлөт. Ошол эле маалда узак мөөнөткө кызмат өтөөгө белсенген адамдар менен алгачкы келишим беш жылга түзүлөт. Келишимдин негизинде кызмат өтөп жаткан аскерлер менен жаңы контракт беш жылга, эгер кызмат өтөөгө жарактуу курагына чейин беш жылга жетпеген убакыт калса андан аз мөөнөткө түзүлөт.

Буга чейин катардагы жоокер жана сержанттык курамда кызмат өтөө боюнча алгачкы келишимдер үч жылга, офицердик курамда кызмат өтөө боюнча келишимдер беш жылдык мөөнөткө түзүлүп келген.

XS
SM
MD
LG