Бундан ташқари, Асқаровнинг адвокатлари унга нисбатан жазо турини ўзгартириб, ишни қайта терговга жўнатишни сўрашган. Суд коллегияси бу илтимосни рад этган.
Аввал хабар қилинганидек, Асқаров Бозор-Қўрғон туманида инсон ҳуқуқларини ҳимоя қилиш фаолияти билан шуғулланган. 2010 йилги июн воқеаларидан сўнг у тартибсизликлар келтириб чиқаришда ва милиция ходими Миқтибек Сулаймановни ўлдирилишида иштирок этишда гумонланиб қўлга олинган.
Бу ишни кўриб чиққан барча судлар томонидан у умрбод қамоқ жазосига маҳкум этилган.
2016 йил апрелида БМТнинг инсон ҳуқуқлари қўмитаси Қирғизистон ҳукуматига мурожаат қилиб Асқаровни қамоқдан озод қилишга ва ҳукмни бекор қилишга чақирган. 12 июлда Олий суд ишни Чуй вилоят судига ўтказишга қарор қилган.