Эслатиб ўтамиз, 1897 йилда Тошкентлик генерал Жўрабеков томонидан қурдирилган ва давлат муҳофазасидаги ёдгорликлар махсус рўйхатига киритилган масжид номининг «Ислом-ота» қилиб ўзгартирилиши ҳақидаги янгиликни Ислом Каримовнинг кичик қизи, Ўзбекистоннинг ЮНЕСКОдаги доимий вакили, Лола Каримова-Тиллаева ўтган ойда ижтимоий тармоқларда хабар қилган эди.
«Диний уламолар ва кенг жамоатчилик таклифига биноан, Ўзбекистоннинг биринчи президенти, отам Ислом Каримов хотирасига бағишлаб, масжидни «Ислом-ота» деб номлашга қарор қилинди», – деб ёзган эди Лола Каримова-Тиллаева ижтимоий тармоқларда. Аммо, Тошкентлик архитекторлар ва реставраторларнинг фикрича, «Жўрабек» тарихий ёдгорлиги бузилиб, қурилиш нормаларига амал қилмаган холда қайта тикланган.
Эслатиб ўтамиз, Ўзбекистоннинг биринчи президенти Ислом Каримов шу йилнинг 2 сентябрида 78 ёшда инсультдан вафот этган. Каримов ўзи туғилиб ўсган Самарқанд шаҳрида 3 сентябр куни дафн этилган.