Бу Россиялик раҳбарнинг Туркия қирувчиси томонидан уриб туширилган Су-24 бомбардимончи самолети билан боғлиқ можародан кейинги Туркияга амалга оширган биринчи ташрифи бўлди. Истамбулда Путин Туркия президенти Реджеп Эрдўғон билан учрашиши кутилмоқда.
Россиялик Су-24 ўтган йилнинг ноябр ойида Сурия-Туркия чегараси яқинида уриб туширилган эди. Бомбардимончи самолет учувчиси ҳалок бўлган. Туркия ҳукумати таъкидлашича, самолет мамлакатнинг ҳаво ҳудудига кириб келган. Россия бу айбловларни инкор этиб, Анқарага нисбатан санкцияларни қўллаган эди.
27 июнда Эрдўғон Путинга йўллаган хатида Россиялик учувчининг вафоти борасида ўзининг афсусланаётганлигини билдирган. Шундан кейин Кремль санкцияларнинг бир қисмини бекор қилган. Августда Петербургда Путин ва Эрдўғон мамлакатлар ўртасидаги алоқалар кескинлашганидан кейин биринчи бор музокара қилишган.