"Черков қурилишида ишлатилган бу қабр-тошларидаги ёзувларни ҳамиша аниқ ўқиш мумкин бўлган. Энди эса уларга қоришма чапланган. Бу ердаги барча объектлар ЮНЕСКО муҳофазасида, яъни улар даҳлсиз бўлишлари керак. Яқинда эса Қозоннинг Ново-Татарский қишлоғининг мусулмон қабристонидаги қабрларни вандаллар бузиб кетишган эди. Менимча, иккала ишни ҳам бир одам қилган. Афсуски, мен бу ҳақда Болгар тарихий қўриқхонасининг раҳбариятига хабар бера олмадим, чунки ҳафтанинг охирида у ерда ҳеч ким йўқ эди. Буни Мусулмонларнинг устидан кулиш, деб ҳисоблайман. Нафақат мен, балки туристлар ҳам кўрганларидан ҳайратда қолишди" - деган Айрат Хатмулла.
Болгардаги Успенский черкови 1732-1734 йилларда Қозонлик савдогар Михляев томонидан қурилган. Унинг асосига Волга Болгари давридан қолган қурилиш ашёлари ҳамда Арабча ва Арманча ёзувлари бўлган қабр-тошлари ишлатилган. Черков яқинида Жоме масжиди, Шимолий ва Шарқий мавзолейлар ва Хон саройлари жойлашган.
Болгар ёки Булгар - қадимий шаҳарча бўлиб, Волга Болгари давлати пойтахти бўлган. У Қозондан 200 км нарида ва Волга дарёсининг нариги соҳилида жойлашган.