Путин 12 октябр, чоршанба куни чоп этилган интервьюсида айтишича, бу баённомаларда «Сурияда бўлаётган воқеаларнинг асл моҳияти ҳисобга олинмаган». Путин Франциянинг TF1 телеканали журналистларига қарата: "унинг ишончи комилки, Сурияда юзага келган холат учун аввало Ғарбдаги шериклари, ва биринчи навбатда АҚШ, жавобгар", деган.
Россия раҳбари, Москва Сурияда Алеппонинг исёнчилар томонидан босиб олинган қисмларида тинч ахолидан қалқон сифатида фойдаланаётган «террористларга» қарши курашяпти, деб айтган.
Путин Франция Москвани БМТнинг Сурия бўйича резолюциясига вето қўйишга мажбур қилди. Унинг тахминича, Париж Вашингтоннинг йўриғи асосида иш тутган. Ўтган ҳафта Россия Сурия резолюцияси лойиҳаси юзасидан овоз беришда, хужжатда Россиянинг таклифлари инобатга олинмагани боис, ўзининг вето ҳуқуқидан фойдаланди.
Ғарб мамлакатлари ҳукуматлари бу ветони Москва Суриядаги зўравонликларнинг тугатилишидан манфаатдор эмас, деб қабул қилишди. Аввалроқ, шу ҳафта бошида Путин, Франция президенти Франсуа Олланд Россиянинг Суриядаги ҳаракатларини танқид қилганидан кейин, ўзининг Францияга ташрифини бекор қилган эди.