Дар созишнома гуфта шудааст, ки нерӯҳои ҳавоии Русия дар фурудгоҳи низомии Хмеймим ва Латақиёи Сурия бо дархости Димишқ ҷойгир карда шудаанд. Фурудгоҳҳои низомӣ ва иншооти атрофашон ройгон ба ихтиёри Русия дода шудаанд.
Роҳбари кумитаи байналхалқии Шӯрои Федератсияи Русия мегӯяд, ин созишнома бо Сурия зидди кишварҳои севум равона нашуда, танҳо барои мудофиа аст. Виктор Озеров пойгоҳи ҳавоии Русияро "саҳми мушаххас"-и Кремл дар талошҳои дастёфт ба эътидоли Сурия номид.