Ссылки доступа

Өзбекстан ТИМ башчысы ИКУнун баш катчысы менен жолукту


Өзбекстандын тышкы иштер министри Абулазиз Камилов өлкөдө расмий сапары менен жүргөн Ислам кызматташтык уюмунун башкы катчысы Ияд Амин Мадани менен жолукту. Бул тууралуу министрликтин басма сөз кызматынан билдиришти.

Жолугушуунун жүрүшүндө 18-октябрда Ташкентте ачыла турган ИКУга мүчө өлкөлөрдүн Тышкы иштер министрлеринин кеңешинин 43-сессиясына байланышкан маселелер талкууланды.

Тараптар жыйындын күн тартиби жана практикалык аспектилери боюнча пикир алмашып, алдыдагы форумду ийгиликтүү өткөрүүгө кызыктар экендиктерин ырасташты.

ИКУнун Тышкы иштер министрлер кеңешинин сессиясына катыша тургандыгын уюмга мүчө 26 өлкө ырастады. Бекитилген программа менен күн тартибине ылайык, жыйындын ачылышында Өзбекстандын президентинин милдетин аткаруучу Шавкат Мирзиёевдин сөз сүйлөшү күтүлүүдө.

43-сессиянын башкы жыйынтыктоочу документи катары Ташкент декларациясы кабыл алынып, анда Ислам кызматташтык уюмунун күн тартибиндеги негизги саясий, экономикалык жана маданий-гуманитардык маселелер камтылышы керек.

XS
SM
MD
LG