Ссылки доступа

Трамп Путин билан инаугурациядан олдин учрашишга ваъда беряпти


АҚШ президентлигига номзод Дональд Трампнинг айтишича, агар у президентликка сайланса, Россия президенти Владимир Путин билан январда бўладиган инаугурациягача учрашиш имкониятини кўриб чиқади. Трамп Россия лидери билан ўзининг яқинлигини айтиб ўтган. Путинни эса АҚШ Америка сайловига аралашишда айблашяпти.

Аввалроқ Трамп ўзининг Путинга қойил қолишини айтиб, Вашингтон билан Москва ўртасидаги ҳавфли танг вазиятдан зорланиб гапирган эди.

Унинг фикрича, муаммо Путиннинг АҚШ президенти Барак Обамага нисбатан ҳеч қандай ҳурмати йўқлигида. Бу ҳақда Трамп Майкл Сэвидж билан бўлган ток-шоуда гапирган. Трампга кўра, чиндан ҳам фалокатли вазият юзага келган. "Сизга очиқчасига айтаман", - деган у.

"Агар 8 ноябрда мен ютиб чиқсам, Путин ва Россия билан ўз лавозимимга ўтиришдан олдин учрашишим мумкин," - деди Трамп. АҚШ президентлигига номзод яна айтдики, сайловдаги қаллоблик АҚШ сайлов тизимининг яхлитлигига хавф солади. 8 ноябрдаги сайловда, "баъзи сайлов участкаларида" қалбакилаштиришлар бўлиши мумкин, деб огоҳлантириб қўйди Трамп.

XS
SM
MD
LG