Ссылки доступа

Санкт-Петербургдан Душанбега 160 йўловчи учиб кета олмади


160 та йўловчи Россия ва Тожикистон авиаҳукуматининг ўртасидаги можаронинг қурбонларига айланишди. Ҳалигача Санкт-Петербургнинг “Пулково” аэропортидан учиб кетишни кутаётганлар орасида мигрантлар, хотин-қизлар ва болалар кўпчиликни ташкил этади.

Амалга ошмаган рейснинг йўловчиларидан бири бўлган Абуали гапларига қараганда, улар «Уральские авиалинии» рейси билан соат 22 да учиб кетишлари керак эди, бироқ авиакомпания ходимлари аввал рейс кечикаётганини эълон қилишди, сўнгра эса йўловчилардан авиачипталарни қайтариб беришни сўрашди.

«Шароитлар даҳшатли, авиакомпания ходимлари қўполлик билан муомала қилишмоқда, йўловчиларга салқин ичимликлар ва иссиқ овқат таклиф этилмади, меҳмонхона тўғрисида ҳеч ким орзу қилаётгани ҳам йўқ. Бироқ бунинг ҳаммасига чидаса бўлади, лекин ноаниқликни тўғрилаш қийинроқ бўлмоқда – авиакомпания ходимлари вазиятга ойдинлик киритмоқчи эмас ва бизга “ҳукуматингиз сизни боплади” деб тушунтиришмоқда», - деди Абуали.

Тожикистоннинг Москвадаги элчихонасида хабар қилишларича, Санкт-Петербургдан Душанбега учадиган рейснинг қолдирилиши тўғрисида улар билишмаган. Бироқ элчихона матбуот котиби Сарвар Бахти гапига кўра, улар «Уральские авиалинии» авиакомпаниясининг рейси нима учун қолдирилгани сабабларини билишмайди. "Тожикистоннинг Санкт-Петербургдаги фахрий консули ҳозир аэропортда бўлиб турибди ва у Душанбега учадиган рейснинг қолдирилиши билан боғлиқ бўлган барча ҳолатларни аниқлаштириши лозим ", - деди тожик дипломати.

Москва билан Душанбе ўртасидаги можаро Тожикистон россиянинг “Ямал” авикомпаниясига 2016-2017 йиллар қишида “Жуковский ” халқаро аэропортидан Тожикистонга учишларни амалга оширишни таъқиқлаб қўйганидан юзага келган эди. Ўтган ҳафтада Россия Транспорт вазирлиги Тожикистон делегацияси билан музокаралар муваффақиятсизлик билан якунланганидан кейин россия ҳудудларига “Сомон Эйр” тожик авикомпаниясининг учишларини тўхтатиб қўйди.

XS
SM
MD
LG