Ўзининг мактубида Қирғизистон раҳбари унинг ўзи ва Қирғизистон делегациясининг Ўзбекистонга уюштирган расмий ташрифи чоғида 24 декабр кунги қабул маросимида кўрсатилган меҳмондўстлик ва самимийлик учун миннатдорлик билдирган. Алмазбек Атамбоевнинг айтишича, Ўзбекистон президенти Шавкат Мирзиёев билан Қирғизистон ва Ўзбекистон ўртасидаги боқий дўстлик ҳақидаги Битимни имзолаш вақтидаги суҳбатни илиқлик билан эслайди.
«Мен чин дилдан ишонаманки, биз икки томонлама ҳамкорлик масалаларида тўлиқ келишувга эришдик ва бу мамлакатларимиз халқлари фаровонлиги учун ушбу Битимга янги ҳаёт бахш этади», – деди Атамбоев.
Атамбоевнинг айтишича, икки мамлакат президентлари ўртасида бўлиб ўтган учрашувлар якуни бўйича эришилган келишувлар Ўбекистон ва Қирғизистонга икки томонлама алоқалар кун тартибида турган барча масалалар, жумладан аввал келишишнинг иложи бўлмаган масалаларни ҳам бутунлай ҳал қилиш имконини беради.
Ўз мактубида Алмазбек Атамбоев Ўзбекистон президентини 2017 йилда ўзи учун қулай бўлган вақтда Қирғизистонга ташриф буюришга таклиф қилган.