Ссылки доступа

Дональд Трамп Шимолий Кореяга нисбатан санкцияларга қарши эмас


АҚШнинг сайланган президенти Дональд Трампнинг айтишича, Шимолий Кореянинг ядровий дастуридан келиб чиқадиган хатарни инобатга олган холда у мамлакатга нисбатан санкциялар қўллашга қарши эмас.

Шимолий Корея раҳбари Ким Чен Иннинг 1 январ куни айтишича, унинг мамлакати минтақалараро баллистик ракета яратиш "арафасида турибди" ва яқинда унинг биринчи синови бўлади. Трамп, ўз навбатида, "Твиттер"да ёзиб, бундай бўлмайди деган.

Жанубий Корея ТИВнинг таъкидлашича, 2016 йил 8 декабрда АҚШ президенти этиб сайланганидан буён Трамп биринчи марта Шимолий Кореянинг ядровий дастури ҳақида гапирган.

БМТ Ҳавфсизлик Кенгаши 2016 йил ноябрда Шимолий Кореянинг янги ядровий синовларига жавоб тариқасида унга нисбатан янги санкциялар киритган. Шимолий Кореяга нисбатан санкциялар 2006 йилдан буён беш марта қўлланган. Санкциялар Пхеняннинг ядровий дастурини озиқ-овқат ва энергетик гуманитар ёрдамга алмаштириш юзасидан уч йил давом этган олти-тарафлама музокаралар натижасиз тугагач қўлланган эди.

XS
SM
MD
LG