Худи Иброҳимӣ гуфтааст, ки ӯро 3 январ муваққатан бар ивази замонат озод карданд. Ин нависандаро моҳи октябри соли гузашта барои навиштани таърихи таҷрибаи сангсор дар Эрони имрӯза, ки ҳанӯз чоп нашудааст, боздошт карда буданд.
Баъдтар ӯ дар тавҳин ба "муқаддасоти исломӣ" зимни мурофиаи додгоҳӣ, ки Amnesty International онро "ноодилона" хонд, айбдор шуд. Иброҳимӣ афзуд, ки тавонистааст дар зиндон бо шавҳараш мулоқот кунад. Ба гуфтаи ӯ, Ораш Содиқӣ ба иллати гуруснанишинии думоҳа дар вазъи хеле бад қарор дорад.
Ҷонибдорони Содиқӣ бо роҳандозии як қатор маъракаҳои онлайнӣ аз вазъи саломатияш нигаронӣ карда, 2 январ даҳҳо нафар дар назди зиндони Эвини Теҳрон бо талаби раҳоии ӯ даст ба тазоҳурот заданд.
Ораш Содиқӣ донишҷӯи факултаи фалсафа аст, ки бо айби "тавтиа зидди амнияти миллӣ, таблиғоти зиддидавлатӣ, паҳни иттилои дурӯғ дар фазои киберӣ ва таҳқири асосгузори ҷумҳурии исломӣ Оятуллоҳ Ҳумайнӣ" 15 сол аз озодӣ маҳрум шудааст.