Холдингтің баспасөз хатшысы Нозирджон Ёдгоридің айтуынша, 5 қаңтардан бастап ел тұрғындары сағат 5:00-ден 22:00-ге дейін электр қуатымен қамтамасыз етіледі. Бұған дейін халық тәулігіне 12 сағат қана электр қуатын тұтына алатын.
Бірақ түнгі уақытта - сағат 22:00-ден 5:00-ке дейінгі лимит сақталады. Ал 15 қыркүйектен бастап ел аумағында лимит толықтай алып тасталынады.
"Барки точик" өкілдері лимиттің жұмсаруын өткен жылдың аяғында іске қосылған "Душанбе-2" жылу электр станциясымен түсіндірді. Оның қуаты - 400 МВт. Станция астаналық тұрғындардың 60 пайызын жарықпен қамтамасыз етеді.
"Душанбе-2" ЖЭС қытайлық "ТВЕА" компаниясы салды. Құны - 349 млн доллар, оның 17,4 миллионы – тәжік үкіметіне тиесілі.