Ссылки доступа

Барак Обама Оқ Уйдаги фаолияти якунлари ҳақида гапирди


АҚШ президенти Барак Обаманинг айтишича, унинг даврида мамлакат тараққиёти учун янги асос яратилган. У ўзининг президентлик ваколатлари тугаши муносабати билан ёзган мактубида Оқ Уйдаги икки муддат давридаги фаолияти якунларини шундай баҳолаган.

"Ҳаётимда менга берилган энг асосий имтиёз сизларга президент сифатида хизмат қилишим бўлди. Эстафетани топширишга ва оддий фуқаро бўлишга тайёрланар эканман, ғурур билан айтаманки биз Америка учун янги асосни яратдик. Биз ўз келажагимизни ўзимиз ёза оламиз", - деди Обама, "яхши кунлар хали олдиндалигига" умид билдириб.

Ўзининг мурожаатида у ўз командасининг эришган ютуқлари - иқтисодий вазиятнинг яхшиланганлиги ва сўнги бир неча ой ичида янги иш ўринлари сонининг ортиб бораётганлигини айтиб ўтди.

АҚШ президенти "Ал-Қоида" террорист гуруҳи раҳбари Усома бин Лодиннинг йўқ қилинганлиги ва қўшинларнинг Ироқдан олиб чиқиб кетилганлигини ҳамда Афғонистондаги қўшин сонининг камайтирилганлиги ҳақида ҳам гапирди.

Ташқи сиёсат ҳақида гапирар экан, у биринчи навбатда Куба билан алоқаларни яхшилашни айтди.

XS
SM
MD
LG