Ссылки доступа

Бугун Дональд Трамп АҚШ президенти сифатида иш бошлайди


Бугун АҚШнинг сайланган президенти Дональд Трамп президентлик лавозимини бажаришга киришади. Шу муносабат билан у 19 январь куни Вашингтонгга келди. Бугун Трамп билан биргаликда сайланган вице президент Майк Пенс ҳам қасамёдга келтирилади.

Мазкур маросимда лавозимни тарк этаётган Барак Обама, вице президент Жо Байден ва АҚШнинг бошқа собиқ президентлари иштирок этади.

АҚШ собиқ президентлари Жимми Картер, Жорж Буш, Билл Клинтон ва президент сайлови рақиби бўлган унинг хотини Хиллари ҳам таклиф қилинганлар.

Инаугурация арафасида Трамп Арлингтон қабристонидаги номаълум солдат қабрига гулчамбар қўйди ва Вашингтон марказидаги байрам концертида иштирок этди. "Биз Американи бирлаштиришни ва уни барча учун яна улуғ қилишни истаймиз", - деди Трамп концертда сўзга чиқиб.

Янги президентни қасамёдга келтириш муносабати билан Вашингтонда хавфсизлик чоралари кучайтирилди. Шаҳарни 28 минг полициячи назорат қилмоқда.

Вашингтонда, Нью-Йоркда ва бошқа шаҳарларда янги президентга қарши норозилик намойишлари ўтказилиши режалаштирилмоқда.

.

XS
SM
MD
LG