Президентликнинг биринчи кунларида Трамп ўтган йил февралида имзоланган эркин савдо ҳудуди тўғрисидаги Транс-тинч океани ҳамкорлигидан чиқиш борасида фармойиш беради. У миграцияни чеклаш ва Мексика билан чегарада девор қуришни бошлаш борасида ҳам тадбирлар қабул қилади.
Reuters агентлигига кўра, Трампга имзо қўйиш учун 200га яқин хужжат юборилади. Янги лавозимнинг биринчи кунларида у энг муҳимларини кўриб чиқади. Шанба куни Трамп, ўзи бир неча маротаба танқид қилган Марказий разведка бошқармасининг штаб-квартирасига ташриф буюради.
Трамп ва сайланган вице-президент Майк Пенснинг инаугурацияси 20 январ куни Вашингтонда бўлади. Пойтахтда юқори даражадаги ҳавфсизлик чоралари кўрилган. АҚШнинг кўплаб шаҳарларида янги президентга қарши оммавий норозилик намойишлари режалаштирилган.