«Ережеге сәйкес, шетелдік компаниялар «Узбекистон хаво йуллари» әуе компаниясына Өзбекстанға тұрақты рейс ұшыру жөніндегі құжаттарды 30 күн бұрын беруге тиіс», - делінген хабарламада.
20 ақпанда соңғы 25 жылда Душанбе-Ташкент бағытында бірінші рейс ұшу керек болған. Бірақ рейс ұшудан бірнеше сағат бұрын «Сомон Эйр» әуе компаниясы өзбек тарабы Ташкент ұшақты қабылдауға рұқсат бермеді деп хабарлады. Бірінші тұрақты рейспен өзбек астанасына 26 жолаушы ұшу керек болған.
Кейін «Сомон Эйр» әуе компаниясы басшылығы бұл мәселені зерттеп, құжаттар дер кезінде өзбек тарапына жіберілмегенін анықтап, коммерциялық директор Алишер Рустамовтан бастап жауапты қызметкерлерді жұмыстан шеттеткен.
Алайда 23 ақпанда да рейс ұшпады. Бұл жолы өзбек әуе компаниясы «Сомон Эйр» әуе компаниясының тұрақты рейс ұшыру туралы өтініші қаралып жатыр деп жауап берген.