Дар ҷаласаи порлумон вакил Абдуҳалим Ғаффоров пешниҳод кард, то ҷавононе, ки намехоҳанд дар артиш хидмат кунанд, ба вазорати дифои кишвар маблағи муайян пардохт намоянд. Ӯ ҳамчунин хост, ки мӯҳлати адои хидмат дар артиш аз 2 соли феълӣ ба 1 коҳиш дода шавад.
Хидмати алтернативӣ ин аст, ки ба ҷои 2 соли ҳузур дар сафи қувваҳои мусаллаҳ, ҷавонони синни даъват дар сохторҳои иҷтимоии кишвар, мисли хонаи пиронсолон, кӯдакистон ё бемористонҳо ба кор ҷалб шуда, як қисми муайяни дастмуздашонро барои таъмини молии аскарон ба вазорати дифоъ месупоранд.
Дар Тоҷикистон даъват ба хидмат дар артиш соле ду бор - баҳору тирамоҳ сурат мегирад ва дар ҳар даъват аз 15 то 16 ҳазор ҷавони аз 18 то 27-сола ба хидмати ҳатмии аскарӣ ҷалб мешаванд.