Маалыматка караганда, 16-апрелде №277 мектептин 1"е"-классында окуган 15 окуучунун ата-энеси директорго кайрылып, класс жетекчисинин аракеттерине даттанышкан.
Кайрылууда ата-энелер мугалим "балдарды тарбиялоого аракет кылып", алардын колдоруна ийненин жана бурамалардын жардамы менен жаракаттарды келтиргенин айтышкан.
"1"е"-класстын жетекчиси С.Р. балдарга карата кабыл алынгыс аракеттерди жасаганына байланыштуу аны менен түзүлгөн эмгек келишими жокко чыгарылып, иштен алынды", – деп жазылган расмий билдирүүдө.
Учурда райондук ички иштер башкармалышы бул факты боюнча тергөө иштерин жүргүзүүдө. Балдар акыйкатчысы ишти өз көзөмөлүнө алды.